YOUR PLEDGE MATTERS
ICELAND
ACTIONS SPEAK LOUDER THAN WORDSACTIONS SPEAK LOUDER THAN WORDSACTIONS SPEAK LOUDER THAN WORDSACTIONS SPEAK LOUDER THAN WORDSACTIONS SPEAK LOUDER THAN WORDSACTIONS SPEAK LOUDER THAN WORDSACTIONS SPEAK LOUDER THAN WORDSACTIONS SPEAK LOUDER THAN WORDS
Ísland getur orðið fyrsta ríki heims til að ná jafnrétti, ef við stöndum saman og tökum djarfar ákvarðanir. Við megum ekki við frekara bakslagi. Tökum skrefið í átt að jafnrétti, sameinuð!
Hvatning til stjórnvalda
að efla kynjajafnrétti Öllum til Handa
Árið 2025 er lykilár þegar kemur að jafnrétti og valdeflingu kvenna og stúlkna um allan heim. Árið markar 30 ár frá undirritun Peking-sáttmálans og 50 ár frá Kvennaári Sameinuðu þjóðanna árið 1975. Við, undirrituð, hvetjum leiðtoga heims til að hraða innleiðingu Peking-sáttmálans og beita sér af alvöru fyrir því að ALLAR konur og stúlkur, óháð búsetu og uppruna, njóti jafnréttis. Á þeim þrjátíu árum sem liðin eru frá samþykkt Peking-sáttmálans hafa framfarir í þágu jafnréttis verið alltof hægar og ósamræmdar. Í stað framfara er heimurinn að horfa upp á gríðarlegt bakslag í jafnréttismálum; grundvallarmannréttindum kvenna og hinsegin fólks er ógnað, eða, í verstu tilfellum, hafa þau horfið þeim með öllu. Peking-sáttmálinn er enn í dag ein framsæknasta og umfangsmesta áætlun á sviði jafnréttismála sem heimurinn hefur átt. Hann er vegvísir þegar kemur að því að móta opinberar stefnur, áætlanir og fjárfestingar á öllum sviðum lífsins, þar með talið á sviði menntunar, heilsu, friðar, fjölmiðlunar, stjórnmálaþátttöku, efnahagslegrar valdeflingar kvenna og afnáms kynbundins ofbeldis.
Árið 2025 verða ríki heims að raungera þessar samþykktir og innleiða ný lykilatriði sáttmálans, líkt og viðbragð við loftslagsbreytingum og efla löggjöf og eftirlit með stafrænni tækni. Fimm ár eru til stefnu ætli heimurinn að ná heimsmarkmiðum Sameinuðu þjóðanna. Í ljósi þess skorum við á leiðtoga heims og aðra hagsmunaaðila að sýna hugrekki og grípa til tafarlausra aðgerða í þágu jafnréttis. Nú er tíminn til að láta verkin tala!
Okkar ákall til yfirvalda:
Við skorum á stjórnvöld að grípa til tafarlausra og framsýnna aðgerða í þágu jafnréttis og þar með ryðja brautina fyrir jafnari framtíð fyrir öll, óháð kyni og uppruna. Kjarninn í þessum aðgerðum verður þó að vera full þátttaka og valdefling næstu kynslóða – þá sérstaklega ungra kvenna og stúlkna – þau eru umbreytingaraflið sem þarf til að tryggja framfarir í þágu jafnréttis.
Við skorum á stjórnvöld að forgangsraða aðgerðum á þremur lykilsviðum:
1.
Efla réttindi kvenna og stúlkna:
Standið vörð um mannréttindi allra kvenna og stúlkna með því að berjast gegn kynbundnu ofbeldi í víðasta skilningi, mismunun og misnotkun. Ísland hefur verið leiðandi ríki í jafnréttismálum og aldrei hefur verið mikilvægara en nú að halda á lofti þeim sjónarmiðum.
2.
Stuðla að kynjajafnrétti:
Brjótið niður kerfisbundnar hindranir, sem viðhelda rótgrónu og oft ósýnilegu misrétti. Tryggið að raddir jaðarsettra kvenna og stúlkna hljóti hljómgrunn, þar með talið raddir ungs fólks Aðeins þannig er hægt að tryggja jafnrétti öllum til handa.
3.
Stuðla að valdeflingu allra kvenna og stúlkna:
Endurskilgreinið gamalgróin valdakerfi með því að tryggja öllum aðgang að menntun, atvinnu og tækifærum til forystu. Styðjið við ungar konur og stúlkur svo þær taki sér leiðtogahlutverk, verði frumkvöðlar og skapið þeim tækifæri til að móta sameiginlega framtíð þar sem öll njóta sömu tækifæra.
Við hvetjum stjórnvöld til að gera jafnréttismál og baráttuna gegn kynbundnu ofbeldi að þungamiðju allrar innlendrar og alþjóðlegrar áætlanagerðar:
Innleiða Pekingsáttmálann að fullnustu til að tryggja jafnrétti til frambúðar.
Auka fjárlög til jafnréttismála. Ef jafnrétti á að nást á næstu fimm árum verður að tryggja fjármagn til verkefna.
Koma á skýrum markmiðum með skýra tímalínu í þágu jafnréttis. Þessum markmiðum þarf að fylgja eftir með úttektum og greiningum.
Virkja konur og stúlkur, sér í lagi þær sem tilheyra jaðarsettum hópum, í allri ákvarðanatöku.
Stuðla að hugarfarsbreytingu innan samfélagsins með vitundarvakningu og fræðslu.
Stuðla að lagabreytingum og efla ferla og fræðslu svo uppræta megi kynbundið ofbeldi. Tryggja þolendum skjótt og skilvirkt aðgengi að lagalegri þjónustu, læknisþjónustu, sálrænni aðstoð og öruggum rýmum, án kostnaðar – og að þolendur hafi rödd í eigin málum.
ACTIONS SPEAK LOUDER THAN WORDSACTIONS SPEAK LOUDER THAN WORDSACTIONS SPEAK LOUDER THAN WORDSACTIONS SPEAK LOUDER THAN WORDSACTIONS SPEAK LOUDER THAN WORDSACTIONS SPEAK LOUDER THAN WORDSACTIONS SPEAK LOUDER THAN WORDSACTIONS SPEAK LOUDER THAN WORDS